السلام عليكم ورحمة الله وبركاته

بســــــــم اللـــــــه الرحمـــــــن الرحيـــــــم

(سبحان الذى اسرى بعبده ليلا من المسجد الحرام الى المسجد الاقصى الذى باركنا حوله

لنريه من آياتنا...............)

كل عام وانتم بخير،نحن فدائك يارسول الله

فى قلبى وعلى بالي طول الوقت

السلام عليكم ورحمة الله وبركاته

ازيكم وحشتونى اوى ،اعذرونى كنت مشغول اوى الفتره اللى

بشتغل من الساعة 8الصبح للحد الساعة10مساءا،وفعلا مطحون

وسعات بشتغل للحد الساعة 3 وبروح الشغل بتاع التصوير،ومش برجع اللى متاخر

وبرجع انام من التعب ،اعذرونى وادعولى ان ربنا يقوينى ويوفقنى .

انا بامانه اللى خلانى اكتب النهارده ،معى انى خلصت شغل وكنت لسه مروح

،والله بعد اما كنت مروح وإفت للحظات وفكرت انى اتمشى شويه على الكورنيش

بس وانا بفكر فى حاجه معينه لاقيت اللى بفكر فيه ادام عينيى ،بامانه مكنتش

مصدق ،وغمت عينى وفتحت لأتنى صاحى مش بيتهيألى شوفت انسان غالى وعزيز عليه اوى

لمحته وحولت احصله لو حتى اشوفه بس معرفتش.عدى ادام بسرعه بس يكفى انى

شفته ،اى نعم من بعيدبس شفته ويعنى اطمنت عليه.

اللهم اصلح لنا الاحوال ويسر لنا الامور ودبر لنا وأعنا وارحمنا ،واجمعنا بمن نحب

يا الله ياارحم الراحمين،واشهد ان لا اله الا الله وان محمد رسول الله.

استودع الله دينكم وخواتم اعمالكم ورحمة الله وبركاته.

الى حبى الاول والآخير

السلام عليكم ورحمة الله

وبركاته

ازيكم عاملين ايه انا اتمنى انى اكون عضو جديد من اصحاب البلوجات

واتمنى ان تكون مدونتى مفيده.دى اول مرة اكتب فيها فى المدونة ،انا كنت

عملتها من فتره بس ماكنتش بكتب فيها .انا عملت المدونه إهداء لأجمل شيئ حصل فى حياتى هى حبى الأول والأخير

،واللى بتمنى من ربنا رغم كل الظروف اللى مرت انه يجعلها من نصيبى.

انا عندى مواضيع كتيره عاوز اتكلم فيها،بس حابب اتكلم عن الحب و يريت تشركونى بآرئكم ووجهة نظركم.انا بامانة

شديدة ما كنتش مقتنع بحاجه اسمها الحب ،وكان لما حد من زميلى يجى يتكلم فى الموضوع ده كنت افضل ابتسم وكنت

ساعات اضحك ،وءاول هو فيه حاجه اسمها الحب .كانو بيتضيؤا منى اوى وكانو يؤلو نفسنا نشوفك لما تحب هتعمل

ايه ،وانا ءاول احب احب مين يبنى انت وهو انا بحب ربنا وامى وابويا واخواتى وبس واصحابى .وكنت ءاول لهم

اغنيه ام كلثوم حب ايه النتى جى تاول عليه.للحد اما اقبلت اللى انا حبتها من كل قلبى ،انا مش هخبى عليكم انا شوفت

بنات كتييييييير اوى ،محدش يفهمنى غلط ده بحكم شغلى لانى جنب شغلى فى الحكومة بشتغل مصور فيديو الكلام ده

مش للدعايه هههههههه.المهم انى طبيعه الشغل ده بشوف الناس كلها وعملتهم كلهم بم يرضى الله ،لانى كنت ببقى

رايح الشغل فى عقلى حاجه وحده بس انى اعمل شغل كويس علشان احلل الفلوس اللى هخدها.

انا بينى وبينكم كنت واخد موقف من الحب وكل زميلى اللى يعرفونى كانوا يأولولى انتى بينك وبين الحب ايه تار

وهو مش تار ولا حاجه بس كنت بعتبره ضعف من اللى كان الحب بيعمله فى زميلى من السهر وتعب القلب والت الاكل

والنوم،كنت باول ده مش حب ده اشغال شاقه،وبرده كنت واخد عمى اللى هو ابويا الحقيقى اللى ربانى من صغرى ،

وهو مثلى الاعلى فهو عاش ومات الله يرحمه مااتجوزشى فقلت انا هعمل زيه.

للحد اما شوفتها للحد دلوقتى كل اما افتكر وانا بكدب احساسى ده فى الاول افضل اضحك ،بضحك على نفسى هو ده

اللى كان بيقول على الحب كذا،كذا........

وامانه حولت اتغلب على الاحساس ده بس ماأدرتش،الظاهر انى حد من زميلى دعا على فى ساعة اجابة والدعوة ربنا

ابلها ههههههههههه.بينى وبينكم الحمد لله انه اقبلها لانى ادركت انى الحب ده من اعظم المشاعر اللى خلقه ربنا فينا

وانى الحب ده بيفرق بينا وبين الجماد ،واصبحت اول اللى مابيحبش يبقى زى الميت .

بس انا والله وربنا يشهد عليه انى حبيت الانسانه دى باخلاص ،وحب ليها حب فى الله يعنى حب للزواج مش للعب زى

مابنشوف الايام ديه واللى بيحصل بين الشباب .

غيرها وهكذا،انا باول لاى شاب بيعمل كده انه يتقى ربنا فى دينه وفى اخته اوفى امه او فى مراته،وانه يحط ادم عينيه

انى فيه ربنا مطلع على اعملنا وفيه نار وقودها الناس والحجارة.

يارب ماكنشى طولت عليكم،وبتمنى يارب لكل الناس الخير والسعادة فى الدنيا ،والجنة فى الآخرة اجمعين ان شاء الله.

اللهم اكتب لنا الخير حيث كان وارحمنا برحمتك يا رحمان.

سبحانك اللهم وبحمدك اشهد ان لا اله الا انت استغفرك واتوب اليك.